保齡, 保齡, 男女喜愛玩球.........

數我喜愛的運動, 除排球外就要到保齡球了! 話說89年開始已經約同事到南華會打波, 最瘋狂時更試過一口氣打十四個game既紀錄, 仲買埋私家波同私家鞋, 打過過二百分㗎! 亦曾經勇奪奧美廣告個人與隊制雙冠軍添(掌聲唔該)!!!!!!!

上星期五放假無事做, 又無牌打, 於是就同artman去咗奧海城"碌令", 根據過往成績都係我贏多, 所以明"屈"佢.......五局為限.......邊個輸邊個請打波..........佢都認為我應該贏佢, 點知........引用伍晃榮先生個句.........波係圓既!!!




artman的"碌令"風采!!!! 讚!!!!!!


比賽開始...........初段仲算爭持激烈..........之後呢...........雙方無謂失誤勁多...........我就直頭入唔到局.........成績核突都嘔.........輸.........仲要唔過百........好很肉酸!!!



之後嗰四局互有輸贏, 比賽亦拖至決勝局, 好在小弟心理質素還可以, 頂住壓力, 贏咗artman!!! 但過程絕不輕鬆, 真係退步得交關! 睇嚟都係要多加操練!!!

第二局......我贏, 第三局.....我贏, 第四局.....佢贏, 第五局.......我贏!!!! 五局加埋我得585分, 佢有569分, 我贏16分......每局都係贏三分幾咋, 好險!!!!


之後去咗food court醫肚之後再睇永久居留, 所以都係食啲快餐, 水準一般啦, ok囉!









後記: 有件港女經過杯利賓納後面個公仔既時候, 驚叫(八婆聲線): 嚇死我啦, 我以為係人扮㗎!!!! 唉...........港女=弱智=低能=無腦=來自丟那星!!!!!!!!!