第一個世界性比賽總冠軍獎項

尋日終於收到由美國寄來的獎項, 是小弟的第一個世界性比賽總冠軍獎項, 呢個獎就好似勁歌裡面的金曲金獎, 即係我做嗰本年報係係呢個比賽裡面全部年報裡面囉最高分, 有別於以前囉嗰啲單項金獎.........算幾難囉㗎, ok開心囉!

公司循例影吓相紀念吓咁囉!!!

不過都係嗰句, 獎項於我實乃糖衣毒葯也.........下次囉咩比公司呢!!!! 唉........壓力越嚟越大啦!!!!!

詳情可參閱http://www.mercommawards.com/Mercury%20pages/press.htm

















後話: 我訂咗一個比影相嗰個更隆重既獎座, 都幾千銀㗎.........幾肉赤..........不過唔知下次幾時囉........有無下次都唔知........可能都死嗰日都靠佢陪葬㗎啦........算罷喇.........幾千就幾千啦!!!!!!!!!

傷盡我心的巧合

話說幾經辛苦咁完成咗lifestyle呢本Annual Report, 中間既過程有數不清的堅持,爭拗,妥協..........攪咗成兩個月, 跟咗五日印刷.......尋日先至有advance copy....... 今朝先送書, 享受咗半日天堂心境...........下午就即插地獄啦! 你地睇睇.........



自問做咗呢行咁耐, 都算係有職業操守, 亦都刻盡己任........書未出, 橋絕不嚗光.......點知.......本新X期就係同日下午出書........你話係咪天堂與地獄...........黑到痺.........你知做呢行最怕俾人話抄橋............雖則時間上我地完全proof到我地贏晒, 但係客人唔知點諗㗎!!!! 仲要諗吓點樣解話........仆街!!!

我死唔信新X期兩個月前已經做好個cover囉, 周刊咋.........!!!!

唯一解釋就係某個記者係Lifestyle周年業績發佈會度見過個backdrop仲影埋相, 咁啱佢又有朋友做design, 又覺得幾靚, 咁咪參考吓囉!!

如果唔係, 今次既"如有類同, 實屬巧合"害得我好慘囉!!!

向Roy Lichtenstein致敬

話說上次寫LV Display既時候, 小弟正在製作緊一本用pop art illustration做主調既年報!

無錯, 我用咗Roy Lichtenstein既pop art 畫嚟做concept, 客人係lifestyle......係乜? 咪即係劉先生間Sogo囉! 劉先生用咗幾多錢買art pieces我就唔知, 不過我相信佢都收藏咗唔少!

講到Roy Lichtenstein, 呢位人兄係bauhaus年代既代表人物, 佢既畫作別樹一幟, 要有幾graphics就有幾graphics, 係無電腦既時代, 要做佢嗰啲點點網, 少啲technique都做唔到, 仲有, 佢對美國既漫畫影響有幾深, 你地睇吓佢啲畫作就知啦!

http://en.wikipedia.org/wiki/Roy_Lichtenstein
http://www.operagallery.com/artist/LICHTENSTEIN_729;0;0.aspx


Cover Layout Illustration



Inside Page Divider Illustration Layout 1



Inside Page Divider Illustration Layout 2



Inside Page Divider Illustration Layout 2










諗住今次都算做番齣好戲啦.........點知........唉........下回分解啦!!!!

飯局

Princess Joy & 狐狸小公主

Me & 狐狸小公主

三人行

金色長頭髮嗰個係狐狸小公主......點解叫佢做公主呢?因為佢係我以前呀頭個姨仔, 當年嚟做summer job, 嚟"學嘢" 喎!!!! 咁點解叫狐狸呢? 哈哈, 我呀頭老婆有三姊妹, 我呀頭娶嗰個係老大, 老大係個種典形女強人, 只要佢唔笑而用眼尾瞄一喵你, 你都會打冷顫同埋滴冷汗......佢既代號係"老虎"!!!! 至於老二就係個種受高等教育兼精力旺盛的運動女子, 而且英氣逼人, 我曾經以為佢係lesbian.....佢代號係"豹"!

至於呢位狐狸小公主, 當年蠱蠱惑惑, 口甜舌滑, 聰明絕頂, 練精學懶........不過幾乎聰明反被聰明誤, 慶幸近年收心養性, 修成正果啦........今年夏天嫁啦.......預祝新婚快樂!!!

黑色長頭髮個位係princess joy!
佢.................嬌小玲瓏, 聲音甜美, 舉止溫柔, 談吐斯文, 討人歡心, 品味高雅, 孤芳自賞!!!!
佢.................固執執著, 目光凌厲, 作風硬朗, 絕不服輸, 口舌不饒人............!!!
佢係一隻貓, 仲要係好寸嗰隻!!!!!!!
嗰晚凈係點菜咋, 佢就即刻十級火山爆發! 都係要怪嗰個侍應講嘢又快又無tone...........都話咗唔食魚囉.........仲要話好清㗎, 好甜㗎..........招牌菜嚟㗎, 清清地幾好㗎...........去死啦!!!!
佢.................都係公主!!!!!

當晚無所不談, 甚麼時事, 人物, 管治, 是非, 生仔, 教育, 環保, 品牌, 旅遊.................言談甚歡!

期望下次encore!!!!!!

專業人不專業

如有冒犯, 請諸位多多包涵!! 但如果你曾經又或者用緊類似既態度做緊嘢既話, 咁請你地自重一吓!!!

我真係覺得好討厭囉.......

香港啲marketing, corporate communication and PR人質素之低劣簡直等同白痴, 低能!!!! Briefing 又唔識寫, 凈係識寫corporate, humble, sophisticated, conceptual..........之類既形容詞, 實質啲問佢要乜又唔講唔出, 凈係識講我地都好open-minded㗎, 總之要靚啦, design係你地既責任嗎!!!!!; 點知交完layout之後就呀之呀jor!!!!!! 又話唔靚, 又話唔夠creative, 睇唔明囉, 好悶囉............問佢咁你覺得點樣你會覺得好啲, 想improvement邊部份, 佢有講唔出, 總之就發晒老脾咁喪鬧.........我點知咩叫做靚啫....我點知點改呀!!!

大部份都係啲三十至五十既熟女!!!! 做咩啫.......M come定係收經呀.......有病就睇醫生.......收經就飲凈心啦!!!

我明白做design係visual 客人腦裡面既idea出嚟, 但係日對夜對你地老闆嗰個正係閣下, 你無理由唔知你老闆同埋你自己要乜囉, 講唔出咁Crit咩呀!!!! 正如入到間餐廳食嘢, 呢啲人就諗住自己係客大晒咁, 夥計問佢想食乜, 佢就話唔知㗎, 總知就好食㗎啦.....煮晒啲撚手小菜俾佢, 就藐晒咀咁話唔好食........ 問佢咩唔好食就話唔知囉.........一係就話無口感呀, 味度唔夠豐厚, 配搭唔好等等既空泛形容詞語!!!! 呢啲人都唔知自己係飽定餓, 想食甜定鹹, 食素定食葷, 想食屎定飲尿, 簡直就係廢中之廢, 同白痴低能有乜分別????

講真我唔介意你叫我抄, 又或者大大個五寸乘五寸既燙金logo擺係cover度, 又或者到2009年仲係要將啲相鬆邊montage埋一檗嘢, 你講我咪做囉, 唔好晒我時間啦, 浪費晒啲資源.........我真係好唔鍾意同呢啲靚唔靚又唔知, 點樣做又唔知, 做幾耐又唔知, 做唔做到又唔知, 要幾多錢做又唔知既人打交道; 仲有呢類人幾近99%都係無受過正宗既美學教育, 佢地憑乜嘢話唔靚? 憑乜嘢bent idea? 憑乜嘢掌管設計行業的生死????!!!!!!

創作係要client同designer不斷溝通先至有好嘢出, 呢啲人連最基本既表達技考都唔識, 最基本既美感都無, 最基本既行業運作常識都無.......... 點溝通呀, 你地好去死啦, 係堆填區掘個窿埋咗自己, 咁對整個世界, 對環保既貢獻都會唔少!!!

都係嗰句, 無知唔緊要, 學囉!!!!! 但最可悲既係呢啲人學既係習非而是, 既侮辱了自己的專業, 亦侮辱了自己的尊嚴........何苦呢!!!

無聊導遊事件簿!!!

最近執拾backup harddisk之際, 看見一件很有趣之事情, 就係係06及07年都要去NYC做嘢, 分別同三個唔同既人去咗三次自由神像, 第一次同第二次相隔一星期, 第二次同第三次相隔一年, 咁即係話係三百零日裡面去咗:
三次自由神像,
三次South Sea Port
三次A&F
三次Brooklyn Bridge
三次Wall Street
三次Century21
三次世貿遺址...........

第一次去好正, 第二次去好熟, 第三次去好似導遊.........其實會唔會密咗啲呢?好在08年我同E同事都無得去, 否則我諗我要做多一次導遊......人都癲!!!


06的雀


07的雀




06嗰塊面


07嗰塊面

仲有好多06及07...............所以去自由神像呀, 問我啦! ................去South Sea Port呀, 問我啦!!!!!.................去Wall Street呀,............. 問我啦!!!!!!!!!!!!

不過, 如果有機會囉Best of Hong Kong, 我都好想再去NYC, but no more Statue of Liberty!!!!!

美食Encore之金門莊娥姐

話說上年七月跟同事們及雀友一起試過娥姐, 相距至今已經有大半年, 詳情見http://artmanartman.blogspot.com/2008/07/blog-post_24.html, 上星期五係好巧合既機會之下, 跟友人再度encore, 因為一般嚟講要排期三個月仲要訂親都要一圍, 人少的話就食唔到!

今次跟上次的菜譜略有改動, 計有:
蜜味鴨胸
桂花炒素翅
威化百花魚卷
竹笙扒鮮掌
刺參晌螺燉全雞
花香燻雞
蟹肉扒雙蔬
霸皇扒大鴨
油浸筍殼魚
薑米肉崧炒飯
海底椰雪耳煲蘋果


醒胃蝦片, 非常鬆脆, 食到停唔到口!!



水準依然, 依然係皮脆多汁, 肉好嫩配以沙律, 感覺非常醒神; 沙律的調味唔算重手, 保留咗蔬菜的清新, 加埋啲菘子同埋芝麻一齊食, 特別香口........very good!!!!!



炒得好香口, 蛋一啲都唔老, 又唔多油.......讚! 我覺得炒蛋要控制到剛熟, 嫩口, 滑而唔油膩係一件幾考功夫既事情!! 對唔住呀蘇, 我唔係踩你, 你要用咁多油炒既蛋, 好食極有限!!!



威化皮感覺幾好, 無春卷皮咁硬, 魚肉好彈口, 同埋唔覺好油膩!



竹笙好厚又扒得滑, 鵝掌已去骨, 啱晒我呢啲鍾意啖啖肉既懶人!!




對於鍾愛飲老火湯既我, 簡直係無得彈, 用全雞再加海參煲, 出嚟既湯唔油又唔膠口, 但係味道濃郁........Perfect!



仲好食過上次, 上次我覺得有少去老咗, 今次剛剛好, 肉嫩但保留了燻香的味道......好!



這道菜其實無乜特別, 但用料就好足, 啲蟹肉勁多.........正!




好食都震, 骨都稔埋, 當其他友人相繼飽得七七八八, 我就有你無你殺咗四小碗.......鴨胸裡面釀滿嗰啲唔知係糯米定綠豆, 加埋超稔既鴨肉, 真係好好好好好味呀(食神裡面薛家燕食叉燒飯嗰陣個樣)!!!!!!



我覺得上次油浸銀鱈魚好啲.......sorry!



好香口同埋炒得乾身, 薑米的清香可以refresh個口準備迎接甜品!!!



好鬼滋潤, 好重料, 每小碗都有好多材料, 唔太甜, 食完成個口同胃舒服晒, 無晒飽賬感!!!! So GOOD!!!!

是次聚會留下不少金句:
1.個女人癡咗.........佢真係癡咗線㗎!
2.嘩!........你去海灘呀!!!
3.你頭頂出煙啦, 小心個火警警報器灑水呀!

希望眾友人閱畢可以會心微笑, 期代下次聚會........BYE!!!!!!!!!!!