係office裡面同啲八婆&妹仔打成一片,
係排球隊裡面同啲camp精爭妍鬥麗,
係client面前扮晒殿堂級設計大師!!!!
要知道今季興乜, 無嘢好得過每日返公留意吓公司樓下的On Pedder同埋公司對面的LV!!!!!
呢兩間嘢不嬲都係window display方面落重本, On Pedder 差唔多每一個半月就換一次, 有時撞啱啲designer出collection出得密, 一個月換一次都試過, 而且idea確實幾ok㗎, 係wheelock返公都差不多四年, 留意佢地換display已經成為集慣, 亦成為我地design team同事既討論話題, 好似聖誕節嗰陣就用咗The Wizard of Oz做main theme, 擺晒啲唔同款既紅色高跟鞋係度, 靚得幾咁形...華麗同埋浮誇!!!!!
LV就更加唔駛講啦, 要幾富貴就有幾富貴, 好在landmark display個位唔算樓底高, 唔夠尖咀旗艦店咁高, 唔係仲震憾!
隨住二月已經過咗一大半, 天氣亦都已經回暖! 黑白, 蘇格蘭格仔係時候番入衣櫃裡面啦!
一睇到個兩間嘢啲display成個人醒晒, 係我摯愛既neon sharp color, 大部份妖精姊妹金剛barbie都會為之瘋狂, 都係嗰句: Pink Money真係幾易賺, 各妖精準備大破慳囊啦!!!! 至於女士們..........螢光色好蝦人著㗎..........嗰啲中女, 熟女&老女........咪學人有我有呀, 大過三十歲都唔好買, 我唔想係街同啲阿嬋, 阿嬸撞顏色.......仲要縈光色添!
On Pedder個display用pop art畫sketch手法再加neon color, 簡單直接, 好! 我舊年本Wharf年報都係用sketch同埋Sun Hing年報都用螢光粉紅色, 幾咁先知先覺!
至於LV.........Marc Jacob姐姐又話向人致敬喎.........Tribute to Stephen Sprouse.........佢係美國既街頭graffiti大師同埋fashion designer, 總覺得今次Marc Jacob姐姐有少少借死人過橋同埋食老本之嫌!!! 雖然係咁, 但係大把人買呀, 你吹咩!!!
嗰個pattern咁似死鬼曾灶財畫個啲嘢咁既????? 香港唔知邊個做過同一樣嘢呢........好似係咪鄧X智呀!
對波鞋真係好靚......不過好貴......over八千五!!!!!!
T Shirt都好靚.......都好貴.......over三千!!!!
唔係凈係佢先識向人致敬既, 小弟正製作一本年報都係用pop art手法, 顏色都好sharp㗎, 遲啲post上嚟!
1 則留言:
你好拜金啊!
張貼留言