情人節之...............花

今日係二月十三號..........係情人節前夕..............係星期五..........但對於我同事C小姐嚟講...........絕對係黑色星期五!!!!!!!!!!

話說今日番到公司已經遲到, 因為用多咗時間裝身準俾今晚同Artman係Amigo食晚飯, 所以9:40am才回到公司; 凳都未坐暖, 麥皮都未食, 同事C小姐電話響, 係reception叫佢出門口收花, 佢囉住紮花返入嚟既樣已經有啲唔妥. 睇完張咭之後立即打電話俾佢啲friend "Xyz@dkyaukzxk!!!" ..........佢既舉止令到同事們議論紛紛, 當然吸引到我地呢啲好攪事之徒啦!

唔睇猶自可.......一睇之下即時笑出聲, 佢紮花簡直得兩個字嚟形容 --------- "cheap & 娘"

大家睇睇........

1. 出面嗰張玻璃膠紙皺都唔恨, 好明顯係courier行咗一公里, 再逼咗十五個地鐵之下被受摧殘所得出既結果!
同事意見: 係咪一二百蚊街市貨色呀, 係咪鵝頸橋打小人隔離嗰間呀, 係唔係自己買花紮㗎!!!!!

2. 睇吓啲色點襯..... 粉紫色既紙條蝴蝶(好X皺, 似打咗十次都打唔靚嗰種), 墨綠包裝紙, 再加白色雪紡紙(用咗五張接埋類似薄裝衛生巾厚度), 裡面再加粉紅色玻璃膠紙(上面有玫瑰花 + special forever 所組成圖案)..........My God, 包花嗰個係咪色盲㗎!!!
同事意見: 啲色襯到錯晒, 嗰層雪紡紙紮到好似啲人露底咁, 乜嗰張粉紅玻璃紙咁似嗰啲用嚟包街市中秋果籃既!!!!!!!

3. 花係..........紅玫瑰(半開半撻) + 毋忘我 + 黃色小襯花!!!
同事意見: 咁似八十年代譚詠麟嗰啲咩愛的根源, 珍重, 半夢半醒MV送俾羅美薇, 柏安妮, 羅明珠嗰啲既!!!!!!













最絕既係呢個送花之人係張咭上面寫住: "A Faint Heart Never Won a Fairy Lady", 但係無下款, 擺明係暗戀者, 又或者係變態佬!!! C小姐連送花既係邊個都唔知, 你話係咪大整蠱!!! C小姐對住呢紮筍嘢, 簡直係欲哭無淚, 心情超低落, 你知佢不嬲都係收開Armani嗰個level㗎嘛!!! 對佢嚟講今日絕對係黑色星期五災難日!!!!!

正當呢個Gossip討論得如火如荼之際, 我的電話響起.........有花收!!!! 當時真係有啲忐忑㗎, 如果仲娘既話, 咁點落台! 好在Artman 今次送我既摯愛白色Casablanca再加黑玫瑰, 當然係技術性KO對手啦!!!













所以我話花不能亂送, 如果送得bad taste, 慳皮, 唔啱flower language, 無心思, 唔知對方鍾意咩花........

對佢有可能做成遭人白眼小覷, 被受嘲笑侮辱而受傷害, 尊嚴被受忽視而失落.........

結果係輕則黑面, 再者嬲足你一年; 重則分手, 恨你一世, 詛咒你全家!

切記切記!!!