說謊

如果說謊言可以令別人開心愉快.......那是聰明!
如果說謊言可以令事情進行順利.......那是智慧!

但是.......如果說一個不聰明又沒智慧的謊言而令人尷尬.......那是蠢!!!

香港環島一日遊

話說剛過去既星期二簡直就同走難無分別!!! 一朝早十點由西營盤去觀塘跟印刷, 點知同事做既file鑊咗, 直刻飛車返中環公司補鑊啦! 返中環之際, 同事Karen打電話問我記唔得下晝要開會.........開咩會呀????? 完全無印象, 佢用好sweet既聲線話俾我知.......So Sir! 今日下晝四點半元朗博愛醫院賽馬會老人院開會呀嗎!!!!!!! 望吓個錶, 好似已經十一點啦, 拿拿臨飛車返公司!!!!! 飯後兩點半再由中環去多次觀塘, 睇埋色都三點九即刻飛車去元朗, 原半諗住坐268C, 但係真係趕唔切, 觀塘又熱又無巴士, 由開源道行到創紀之城, 成身濕晒, 決定call車啦!!!!! 去到元朗啱啱四點半, 開完個會五點九, 離開博愛個陣直頭想行過隔離急症室, 攰到想死, 跟住走去搭968返中環, 返到公司都成六點半, 工作先至開始! 坐都八點三雞咁腳返屋企囉衫去西灣河打波, 打完波當然例牌老銅食late dinner啦, 返到屋企已經凌晨一點啦!!!!

是日行程:
西營盤 > 觀塘 > 中環 > 觀塘 > 元朗 > 中環 > 西營盤 > 西灣河 > 銅鑼灣 > 西營盤

暈低!!!!

七月十四Again

七月十四號關我咩事呢？

小弟工作的公司上市一周年! 不過已經賣盤啦!!! 之後仲駛唔駛慶祝都未知!!!

小弟以前的兩個男友都係七月十四號生日, 幾邪!!!! 另外artman話佢係遲出世咗廿鬆啲日, 如果准時出世都係七月十四號喎, 令事件更添懸疑!!!!! 怪談................ 最賤就係好友Billy臨近十二點都仲打電話嚟話記唔記得啲嘢.......記你個死人頭!!!!!!

吹漲!!!!!