香港環島一日遊

話說剛過去既星期二簡直就同走難無分別!!! 一朝早十點由西營盤去觀塘跟印刷, 點知同事做既file鑊咗, 直刻飛車返中環公司補鑊啦! 返中環之際, 同事Karen打電話問我記唔得下晝要開會.........開咩會呀????? 完全無印象, 佢用好sweet既聲線話俾我知.......So Sir! 今日下晝四點半元朗博愛醫院賽馬會老人院開會呀嗎!!!!!!! 望吓個錶, 好似已經十一點啦, 拿拿臨飛車返公司!!!!! 飯後兩點半再由中環去多次觀塘, 睇埋色都三點九即刻飛車去元朗, 原半諗住坐268C, 但係真係趕唔切, 觀塘又熱又無巴士, 由開源道行到創紀之城, 成身濕晒, 決定call車啦!!!!! 去到元朗啱啱四點半, 開完個會五點九, 離開博愛個陣直頭想行過隔離急症室, 攰到想死, 跟住走去搭968返中環, 返到公司都成六點半, 工作先至開始! 坐都八點三雞咁腳返屋企囉衫去西灣河打波, 打完波當然例牌老銅食late dinner啦, 返到屋企已經凌晨一點啦!!!!

是日行程:
西營盤 > 觀塘 > 中環 > 觀塘 > 元朗 > 中環 > 西營盤 > 西灣河 > 銅鑼灣 > 西營盤

暈低!!!!