革命尚未成功 同志仍須努力

革命係年尾大掃除

話說近呢個月都係度盤算緊點樣清理屋企堆積如山的衣服,同埋屋企真係太污糟啦!
早兩三個星期前以經囉咗兩代衫去救世軍........但係都仲係有好多衫未清.........床頭床尾加梳化再加兩張凳,都真係唔明點解真係買咗咁多衫,有啲仲係幾新既, 其實真係幾浪費㗎!不過無辦法啦.........我地呢啲愛靚名人好怕啲衫重覆㗎嗎,傳媒會亂寫㗎!!!!

上星期俾花先生半強迫之下.....終於開始清潔啦, 佢洗廚房, 我洗廁所.......嘩!簡直囉我條命.......洗到我腰骨都直埋,幾驚舊患復發!

洗咗粒幾鐘先洗完!!!

仲有換晒啲床單,枕袋,被套......你知我人又高,床又大,被又闊,佢又唔幫手........做都我上氣唔接下氣!!!

翻開床下底吸塵..........一翻開.........簡直就係一個災難!!!!恐怖都癲,啲塵多到好次啲恐怖片啲鬼屋三十年無人住過咁.......一舊舊黑擝擝......想死!!!

仲有幾日就到新年.......我希望係呢幾日裡面清埋啲舊衫再拖埋個地就大功告成.......希望啦!!!

同志們.......努力啊!!!

同志們包括Alan同埋我,仲有自己........So Good!!!