1. 海關超慢
我真係唔明點解以旅遊業作為國家主要經濟來源之一既泰國, 點解海關啲效率差到咁, 我琴晚係bkk走......由落的士開始計......足足用咗差唔多一百分鐘check in, 出境過關, Refund VAT......... 全部都係排隊........安排又混亂......指示唔清晰......手腳超慢........凳又唔多張.........燈光又暗........懶散到不得了......... 仲要加上腰傷復發, 企多過十分鐘就痛........等過關簡直想死!!! 整多幾張凳同埋escalator唔係真係咁貴啫!
2. 把X國泰
一間成日話自己幾咁好既international airline, 服務之差劣簡直同內地既航空公司無乜分別!!
話說有人忘記咗網上check in, 於是係機場special request有無機門aisle seat, 貪佢唔頂腳!....... 但係不存幻想...... 答案當然係無啦! 唯有退而求其次.....aisle seat都殺啦! 點知上到機發覺坐位左邊sofa的海綿老化變得非常薄, 而張凳左邊凳底下面有四分之一係無鐵架支撐(佢地啲修理話design係咁喎), 當坐落去個人就會向左傾, 因為左邊籮柚已經同埋個變形sofa係無支撐之下凌空向凳底"必" 咗出去!
當我同cabin crew爭論緊既時候, 有人話不如我同你換位咪得囉, 即刻無名火起三千丈, 咩換位啫!!!!! 我要坐aisle seat唔係第一日既事, 換咩位啫.......... 攪到我好似好bitchy咁..........權利嚟㗎!!!!!!!!! 拗拗吓飛機差唔多起飛........俾我發覺係坐我前面嗰行既鬼佬就自己換咗去佢前一行既baby seater unblock腳位, 仲要係aisle seat 添! 跟本就有位, 國泰真係好仆街!
起飛後個空姐好好心咁話有個機門位前面無block腳位俾我, 但係係中間位又或者幫我換坐位既sofa呢兩個offer..... 我兩個offer都無要到...... 因為我由頭都尾都係request緊aisle AND emergency無block腳既位, 中間我唔要........仲有應該係起飛前換俾我或者搵修理攪掂佢而唔係俾咗個鬼佬坐咗都唔出聲囉! 另外, 成件事好似得我一個人同人片, 我覺得好無癮同埋好bitchy囉! 所以同空姐廢噏一輪之後就無換位........ 結果係成程機搵多咗兩個cushion攝住個位勉強坐埋程飛機........但係條腰超痛.......同埋一句聲都出唔到!!!!
7 則留言:
其實去旅行一定有d咁既事發生, 你得兩樣都幾好順利架啦!!
1. 去旅行係relax, 你要明白當地文化, 佢地慢你只可以接受! 好似我岩岩去完布吉, 都係慢到嘔, 入機場前去先過保安檢查, 熱到嘔冇冷氣人又多, 等左20分鐘先入到, 之後check-in又用左20分鐘, 過immigration用左成40分鐘, 等等等唔知得乜, 不過算啦, 咁勞氣都係要等!!
2. 講起黎單間我都噴火, 我一向都唔鍾意同賣黎間airline, 再加上佢地hotline, airport staff又或者crew, 大部份都冇咩service, 態度又差!! 講返你單野, 唔知你之前有冇睇新聞, 而家國泰轉左唔俾你request同online check-in做emergency exit果個位, 好似遲d仲要收錢, 之餘baby basket果個位, 其實一向有位都唔會放出黎, 就算你online做左check-in, 都係on request, 到你check-in個時佢可以唔俾你, 所以你check-in個時佢唔放位俾你係佢地for last min俾有需要既人用, 個鬼佬自己換位, 咁你唔夠佢快就冇計啦!! 我都明你高又腳長, 其實國泰都叫好, 好過你坐港龍!!
以上都係小事, 玩完返黎就將d唔開心野放係機場, 唔好帶返屋企啦!!
Casper:
謝謝你的開導! 問題係我可以等, 但係我條腰骨唔等得! 企得超過十分鐘就開始抗議!!!! 睇嚟都係時候用吓啲傷殘人仕專享福利!!!!!
講真我唔介意俾錢, 因為我明白供應有限, 收錢亦好合理, 你開個價明買明賣, 供求定律下, 你情我願無問題呀!!!!! 但係最討厭既係話無實有, 鬼鬼祟祟, 搶得快好世界......班crew安排又差, 又無合理解釋.......我一定complain佢! 不過灰既係until 呢個moment都係得我一個人自己扯火囉!!!!!!!!
你唔需要咁客氣, 我都係多口搭下爹, 希望你唔好介意!!
首先, 我估你都唔係第一次去旅行, 都唔係第一次去Bangkok, 如果你一早知你條腰係咁唔舒服, 又真係會頂唔順, 其實你可以一早request輪椅服務, 航空公司係可以安排, 仲係免費, 你唔係咁嚴重, 你可以request用機場既輪椅係check-in counter到閘口, 當然有一d係可以直接推到你上飛機既座位上, 不過我相信你未需要去到咁既服務!! 不過如果你真係需要黎個服務, 你最好double check你既travel agent或者航空公司要唔要醫生紙做證明, 費得又添麻煩!!
其次, 如果你真係唔介意俾錢, 下次你可以補錢坐business class, 咁又舒服, 又唔會咁勞氣!! 講真, 國泰真係一間好仆街既航空公司, 你投訴佢都冇意思! 你個case同你搭的士, 佢快過你上車, 又俾佢關埋門, 開埋車走埋冇分別, 你投訴去到的士公司, 最後既答案都係一句"唔好意思, 或者對唔住!"
其實每次去旅行都會學到野, 都係一個經驗, 我都試過去bangkok俾個仆街司機唔知車Q左我去邊, 所以而家可以的話都會book定車, 又或者講好晒數先上車, 我真係怕怕啦!!
我估你咁勞氣都係因為冇人陪你嘈啫, 不過咁小事就算啦, 你係飛機上面嘈, 其實好失禮架, 我地黎d咁高貴就唔好同d飛雞飛鴨計咁多, 豪俾佢, 最多以後唔坐國泰囉, 哈哈!
都係個句, 去旅行開開心心, relax架嗎, 去完咁唔開心, 為咩呢??
casper:
下次會試下輪椅服務，乾手淨腳！
當然，坐BUSINESS係解決方法之一,但係我真係對佢地呢種不知所謂嘅BLOCK位放位方式非常之反感，同埋無選擇比我例如加錢或者UPGRADE之類！極之唔PRO！！！可以的話，我一定唔會再搭CX！！
你舉的例子有少少唔同，我諗如果你唔舒服緊而同你朋友係香港海關過緊關排隊嘅時候，有個鬼佬打尖，而企係你身邊嘅關員同你講：都唔知安排排隊嘅同事點攪㗎，但係又唔制止佢，仲要笑住幫佢安排蓋印，排前你一個嘅朋友就話算啦,你排先啦！你會有乜感覺呢？
-對於個鬼佬，我唔會太怪佢，手快有手慢無，只可以話佢無家教，可能佢都唔知有問題！
-對於個關員，佢先係有問題，推搪失責，反應遲緩！就係因為係大原則問題，我先至扯火!
-至於失唔失禮，睇PRESENT態度，我都可以做得高明嘅！但係一封OFFICIAL道歉信係必要嘅，因為係原則問題！
-至於朋友.....唔講啦！
我地成日都同d客講, 國泰真係不坐也吧, 潛移默化, 而家好多客都對黎個航空公司唔多like, 不過佢又太多航班, 你唔住佢又唔得, 吹脤!!
其實如果你覺得佢地reply你一封道歉信, 你絛氣會順d既, 咁你send啦!!
至於朋友方面, 其實真係好小事, 算啦!!
Hahahaha!!! I thought I am the only one who had negative experience with Thai custom.
你好。刚刚路过。有几句话说说。
虽然我也不喜欢国泰，还有我也不了解情况，
可是座位选择这回事，如果每一个人都是像你这样要求，那航空公司就会忙不可交，很麻烦了。
張貼留言