但自從數年前試玩台灣牌之後, 非常喜歡它的多變化, 唔駛好似廣東牌咁, 撞啱爛牌摸都手爛都砌唔到三番(因為唔打花) , 成日要焗住做牌!!! 台牌唔同, 變化多, 易食糊仲可以拉人, 幾過癮!!!
十月尾同業SIR, 肥肥, Bel Bel(我同artman打一家)係佐敦雀會打牌, 就俾我食咗一鋪超大奇牌! 自問自己都幾有大牌運, 四喜都摸過兩次, 大三元混一色, 門清清一色自摸兩暗龍, 刻刻糊, 力高一糊兩吃等等.............. 但係今次呢鋪都算最大囉!!!
請見下圖:
話說鋪牌起手九隻萬子, 有兩隻番子, 一隻筒子, 四隻索子(無記錯係二,四,四,五索), 跟住就萬子摸吓多隻摸吓多隻, 開頭諗住做缺一門快靚正, 點知一路都無三,六索, 仲有地下無人打萬子, 打極都凈係一萬, 自己又越摸越多兼起對, 弊啦點算呢? 唯有且戰且走, 一於拆索子, 當時索子都唔係好安全㗎, 好彩三五索都有人打過, 見步行步啦!!!! 摸隻七萬入去打剩最後隻四索(當時揸住二二三三三四四五五六七七八八九九萬), 當時我都未知叫幾飛, 凈係知二,三萬實食! 點知一轉頭摸隻一萬喎! 仆街食唔食得㗎! 諗咗好耐, 諗住叫artman俾意見啦, 佢話睇咗其他人既牌no say喎..........My God!!! 當時有諗過打二萬, 因為手揸咁多二三萬應該無事掛, 仲可以較龍添, 但諗深一層真係出沖咪笨seven......... 一於扮晒嘢咁打返隻一萬出街話應該無事掛!!!!!!!
點知摸咗一round之後就摸咗隻六萬入去!!!! 我開頭都唔肯定食唔食得, 你知太多同款式既牌會眼花㗎!!!
當肯定食糊之後開牌嗰陣諗, 如過無打隻一萬咪有兩暗龍囉........ 點知我上家呀Bel突然講咗兩個字........力高!!!!!!!! 個剎那幾震憾我個心靈!!!!
無錯.........又係一糊兩吃...........仲要係清一色!! 多謝家家201番!!!!!!!
我諗打牌咁耐呢鋪都算係代表作!!! 值得記念!!!!!!
6 則留言:
死，不明㖭！
力高？
一糊兩吃？
201番？眼都突埋，即係收幾多？
naruto: alan依家打唔到中文, 於是由我來代答:
力高: 你睇唔睇到鋪牌有7對+3隻3萬, 這就是力高, 即是嚦咕嚦咕!
一糊兩吃: 即是一鋪牌有兩種食法, 既是力高又是清一色:
試想想: 22 333 456 456 789 789, 咁咪又食糊囉.
201番:
清一色: 120番
門清一摸五: 5番
般高 (789 789): 5番
般高 (456 456): 5番
象眼 (一對二萬): 1番
一個底: 5番
力高: 40番
一獨 (食六萬): 1番
自摸: 1番
一個底: 5番
連埋計兩次花字, 所以就是201番.
兩蚊一番, 201番就即是每人要俾$402囉
嘩!一舖清人袋啦
naruto:
清唔清人袋唔重要, 最難得既係食得出咁既奇牌, 嗰種滿足感唔係嬴錢可以相比!!
有冇比人拉返轉頭先~!?
祝您及arthur節日愉快﹐身體健康﹐心想事成。
張貼留言