有人可以告訴我是否真的世界末日大限將至?
到底我們的社會發生了什麼事?
搶奶粉,搶鹽,搶豉油.....什麼都搶!
炒樓,炒股,炒骨灰龕.....什麼都炒!
八歲示威,十三歲示威,男女老幼示威....人人示威!
丟蕉,丟溪錢,丟棺材....什麼都丟!
你派,我派,有納稅派,無納稅都派....人人派錢!
爭身家,爭遺產,爭股權.....什麼都爭!
這就是香港人,這是人嗎?
對的....上帝要你滅亡,必先令你瘋狂!!!!
2011年3月18日 星期五
2011年1月26日 星期三
女王的生日蛋糕(下)
事情係零九年嘅三月,經歷咗零八年做咗傻仔之後,話咁快又一年,又到咗女王生日的大日子!今年決定買美心蛋糕算了!!!
但係事情係咪就咁結束呢？當然唔係啦!!!
話說女王跟開國元勳兩人生日相差數日,有人提議不如一齊攪生日會啦!但元勳話自己即將告老歸田退隱山林,亦不想搶去女王風頭,於是拒絕大家好意罷了。小弟本着與元勳相識十八載臨別在即,於是在中午跟朋友在CWB午飯之際在Zoe買了半打Club cake俾元勳的小孩子做禮物聊表心意，本來是風馬牛不相及的兩件小事,就招人口實了!
話說在女王的生日會上，女王就像往年一樣"要求"眾臣民對她歌功頌德....說盡仙福永享壽與天齊之類的自我麻醉說話，在切蛋糕後女王就似笑非笑地問我:咦!你特登去CWB買蛋糕俾元勳呀,我係的士站見到你喎!我答:係呀!我約咗人食飯順道買俾啲小朋友食嘅!
女王妳心諗乜我會唔知咩!路人皆見啦!!!!
有的事情當真相擺係面前嘅時候，雖然難受，但係最好繼續扮大方免得下不了臺就相當難堪入目!!!
為什麼我買Zoe給小朋友，也不多買一個生日蛋糕給妳?......請妳自己檢討一下吧!!!
為什麼我買Zoe給小朋友，買美心給妳?......請妳自己檢討一下吧!!!
為什麼還要問我問得這樣愚蠢?......請妳自己檢討一下吧!!!
都是那一句......
面係人哋俾,架係自己丟!!
2011年1月18日 星期二
女王的生日蛋糕(上)
呢篇文足足雪咗差唔多十個月先至出街，原因好簡單，小弟轉工了！不再需要睇女王面口做人！
從前有一個皇后, 她每年生日都要他的國民買蛋糕給她慶祝生日, 以突顯她尊貴無比, 至高無上, 品味出眾的女皇身份.........
去年有一個傻子本著女皇剛登基不久, 確實需要建立威信........於是用咗七百幾蚊係全城最矜貴既文華餅點及獲得米芝蓮三星的Robuchon餐廳訂下蛋糕, 並於女皇生日當天奉上, 奈何, 陛下不欣賞之餘, 還冷冷拋下一句: 乜個蛋糕咁細㗎.........!!!!!!
大姐呀.....嗰間係文華呀.......係Robuchon呀, 唔係屋邨祥興, 唔係美心, 更唔係乜嘢凱旋, 蕙蘭....... 嗰啲丟低一百幾十夠食足三餐啦!!!
我仲以為佢幾咁有品味, 仲同我講飲講食添, 妖! 早知買七百幾蚊水泡餅砌個生日蛋糕比佢啦, 肯定成張檯都擺唔晒!!
仲有, 真係女皇就應該好似英女皇生日咁放吓假, 仲有英女皇都唔鼓勵國民送禮物俾佢, 有錢用嚟做善事好過!!! 仲有英女皇生日會派小禮物俾國民㗎, 佢呢???
其實佢生日, 囉一千幾百出嚟全公司下午茶, 俾人既感覺又大方得體, 又可以攏絡人心, 仲幾咁有氣派添!!!
這個傻子今年決定買美心算了, 對如眼中只有用大同細嚟分尊敬與否既人嚟講, 味道再好的蛋糕亦都係無意義既, 唉..........女皇的蛋糕!!!!
2010年6月26日 星期六
蝗蟲先生
話說尋晚八點食完晚飯, 返到屋企睇吓電視上吓網攪東攪西攪到點幾.....點知肚餓......隨手就食咗十幾塊澳門樂宮曲奇, 嚇到某人眼突!!!!
到佢瞓咗之後諗諗吓.......奇實我算唔算為食呢???
我諗我好難define囉!!! 應該講我係唔偏食同埋大食!!!
呀媽係我細細個已經成日話打仗第一個餓死嘅就係我, 因為細個屋企食飯個個停晒手, 我都可以靠撈汁都食多碗飯, 飯焦加啲熱水又清埋, 白飯加豉油牛油都可以係一餐!!!!!!
我喺公司有個花名叫........蝗蟲先生!!! 通常公事飲宴, 女同事食唔晒或者唔食嗰啲我都包攪掂......！
老人家話呢啲叫有衣食!!!!! 美德嘅一種, 用現代人嘅語言就係環保.......幾咁唔浪費食物......幾偉大㗎!!!!
講到食物.......都底我係咪真係來者不拒呢?? 諗咗好耐.......答案係.......我都有選擇嘅........我唔係真係垃圾口嚟㗎!!
唔計嗰啲咩奇珍異獸....例: 貓, 狗, 野味, 昆蟲, 非正常器官.......一律唔食!!!! 其他的零食都唔係我飛佛!!!
我唔食嘅嘢大致上分兩種情況:
1. 唔喜歡該類食物的口感, 味道, 賣相, 回憶.....!
2. 唔喜歡進食該食物的過程與難度......!
[唔喜歡該類食物的口感, 味道, 賣相, 回憶]
1. 烏冬 (無呢味道....一舊粉....)
2. 番鬼荔枝 (味道超怪)
3. 龍眼 (甜都嘔)
4. 陳年芝士 (好臭)
5. 魚雲 (口感好核突)
6. 鴨仔蛋 (超嘔心)
7. 大樹菠籮 (味道超怪)
8. 榴蓮 (正在刻服中, 聞都係唔得.....食都還ok)
9. 茄汁豆 (小時候食得太多, 家境清貧, 以豆當飯做正餐的日子......不堪回首!!!)
其實唔係好多......唔算嘴刁㗎啦......不過應該仲有嘅......諗起就補充啦!!!
[唔喜歡進食該食物的過程與難度]
1. 烏冬 (好鬼難夾.....成日彈到周圍都係......麻煩)
2. 上海粗炒 (同上)
3. 西餐食乳鴿 (簡直係挑戰我table manner嘅極限......用刀叉食handle唔到, 食唔晒好浪費, 最怕係切嘢時發出的嘈音.......我真係試過切唔到兼走刀, 隻鴿幾乎飛出檯, 大半隻鴿係碟邊搖搖欲墜, 當然加上一吓非常鏗鏘響亮的刀與碟撞擊聲, 全場凈晒!!!! Definitely Nightmare!)
4. 西餐食春雞 (同上)
5. 西餐食原條魚 (完全唔識點樣同時handle刀叉同埋吐出來的骨)
6. 糖醋魚 (好憎食嘅時候睇唔到啲骨)
7. 啫啫雞 (通常啲雞超瘦又多骨, 同埋肉少蒜頭同薑勁多, 唔抵)
8. 瀨尿蝦 (食起嚟超煩, 同埋好易整損個嘴同埋手)
9. 法式長條包 (超硬, 食到啲牙肉損晒)
都係嗰句, 仲有好多㗎, 諗起先至補充!!!
所以號稱蝗蟲先生嘅我都唔係全無死穴嘅!!!!!
到佢瞓咗之後諗諗吓.......奇實我算唔算為食呢???
我諗我好難define囉!!! 應該講我係唔偏食同埋大食!!!
呀媽係我細細個已經成日話打仗第一個餓死嘅就係我, 因為細個屋企食飯個個停晒手, 我都可以靠撈汁都食多碗飯, 飯焦加啲熱水又清埋, 白飯加豉油牛油都可以係一餐!!!!!!
我喺公司有個花名叫........蝗蟲先生!!! 通常公事飲宴, 女同事食唔晒或者唔食嗰啲我都包攪掂......！
老人家話呢啲叫有衣食!!!!! 美德嘅一種, 用現代人嘅語言就係環保.......幾咁唔浪費食物......幾偉大㗎!!!!
講到食物.......都底我係咪真係來者不拒呢?? 諗咗好耐.......答案係.......我都有選擇嘅........我唔係真係垃圾口嚟㗎!!
唔計嗰啲咩奇珍異獸....例: 貓, 狗, 野味, 昆蟲, 非正常器官.......一律唔食!!!! 其他的零食都唔係我飛佛!!!
我唔食嘅嘢大致上分兩種情況:
1. 唔喜歡該類食物的口感, 味道, 賣相, 回憶.....!
2. 唔喜歡進食該食物的過程與難度......!
[唔喜歡該類食物的口感, 味道, 賣相, 回憶]
1. 烏冬 (無呢味道....一舊粉....)
2. 番鬼荔枝 (味道超怪)
3. 龍眼 (甜都嘔)
4. 陳年芝士 (好臭)
5. 魚雲 (口感好核突)
6. 鴨仔蛋 (超嘔心)
7. 大樹菠籮 (味道超怪)
8. 榴蓮 (正在刻服中, 聞都係唔得.....食都還ok)
9. 茄汁豆 (小時候食得太多, 家境清貧, 以豆當飯做正餐的日子......不堪回首!!!)
其實唔係好多......唔算嘴刁㗎啦......不過應該仲有嘅......諗起就補充啦!!!
[唔喜歡進食該食物的過程與難度]
1. 烏冬 (好鬼難夾.....成日彈到周圍都係......麻煩)
2. 上海粗炒 (同上)
3. 西餐食乳鴿 (簡直係挑戰我table manner嘅極限......用刀叉食handle唔到, 食唔晒好浪費, 最怕係切嘢時發出的嘈音.......我真係試過切唔到兼走刀, 隻鴿幾乎飛出檯, 大半隻鴿係碟邊搖搖欲墜, 當然加上一吓非常鏗鏘響亮的刀與碟撞擊聲, 全場凈晒!!!! Definitely Nightmare!)
4. 西餐食春雞 (同上)
5. 西餐食原條魚 (完全唔識點樣同時handle刀叉同埋吐出來的骨)
6. 糖醋魚 (好憎食嘅時候睇唔到啲骨)
7. 啫啫雞 (通常啲雞超瘦又多骨, 同埋肉少蒜頭同薑勁多, 唔抵)
8. 瀨尿蝦 (食起嚟超煩, 同埋好易整損個嘴同埋手)
9. 法式長條包 (超硬, 食到啲牙肉損晒)
都係嗰句, 仲有好多㗎, 諗起先至補充!!!
所以號稱蝗蟲先生嘅我都唔係全無死穴嘅!!!!!
2010年5月11日 星期二
2010年4月24日 星期六
祇此一次 下不為例
有人尋晚飲醉酒坐係麻雀館廁所粒幾鐘, 係咁嘔.........嘔到黃膽水都嘔埋出嚟!!! 係咁話: 我老啦, 以前我得㗎!.......對唔住呀.......好wing呀.......好想嘔呀!!!........
我真係第一次見人拿住個背心袋邊坐的士邊作嘔咁鬼無儀態㗎, 我上車嗰陣已經叫個司機唔好開咁快㗎啦, 去到金鐘近畢打街隧道佢已經想嘔出嚟, 我勁驚要幫人洗車, 咪係咁叫佢頂住囉!!! 佢一落車..........即嘔!!!!!!!!!
返到屋企又熱毛巾, 又要幫佢寬衣同除鞋, 仲要幫佢抹身.......... 妹仔又再上身!!!!!
雖然佢飲醉酒嗰樣蠢蠢地, 鈍鈍地........有兩分可愛既!!! 不過祇此一次 下不為例!!!!
再有下次, 我一定留底你係雀館就算, 又或者等你訓街!!!!!!
我真係第一次見人拿住個背心袋邊坐的士邊作嘔咁鬼無儀態㗎, 我上車嗰陣已經叫個司機唔好開咁快㗎啦, 去到金鐘近畢打街隧道佢已經想嘔出嚟, 我勁驚要幫人洗車, 咪係咁叫佢頂住囉!!! 佢一落車..........即嘔!!!!!!!!!
返到屋企又熱毛巾, 又要幫佢寬衣同除鞋, 仲要幫佢抹身.......... 妹仔又再上身!!!!!
雖然佢飲醉酒嗰樣蠢蠢地, 鈍鈍地........有兩分可愛既!!! 不過祇此一次 下不為例!!!!
再有下次, 我一定留底你係雀館就算, 又或者等你訓街!!!!!!
訂閱：
文章 (Atom)
